କେମିତି ହେଲା ବନ୍ୟା...
ଏଠାରେ ଗୋଟିଏ କଥା କେହି କେହି ଚିନ୍ତା କରୁଥିବେ ଯେ ହୀରାକୁଦ ବହୁମୁଖୀ ନଦୀ ବନ୍ଧ
ପ୍ରକଳ୍ପ କେତେ ଉପକାର କରୁଛି ଯେ ତାହାପାଇଁ ଏତେ ହଜାର ହଜାର କୋଟି ଟଙ୍କାର ଧନ କେବଳ
ବନ୍ୟାରେ ଉଜୁଡ଼ି ଯାଉଛି?! ଏବଂ ତାହାକୁ ଭରଣା ନାମରେ ପୁଣି ସେହି ଭଳି କେନ୍ଦ୍ରୀୟ
ଅନୁଦାନ ଟଣା ହେଉଛି । କି ଚାଷକ୍ଷେତକୁ ଜଳସେଚନ କରୁଛି ଅବା କେତେ ବିଜୁଳି ଉତ୍ପାଦନ କରୁଛି
ଏ ବନ୍ଧ? ମତେ ଲାଗୁଛି ତଳମୁଣ୍ଡ ଅଞ୍ଚଳର ଚାଷୀଙ୍କ ଲୁହନିଃଶ୍ୱାସ ପଡୁଛି ଜଳସେଚିତ ବରଗଡ଼,
ସୁବର୍ଣପୁର, ସମ୍ବଲପୁର ଜିଲ୍ଲାର ଶହଶହ ଚାଷୀଙ୍କ ଉପରେ । କାରଣ ସେମାନେ ଚାଷଜମି ବିକି
ଦରିଦ୍ର ପାଲଟିଲେଣି । ଏହାର ବଡ଼ ଉଦାହରଣ ହେଉଛି - ଏନ୍.ଏଚ୍.-୬ ଗୋଡ଼ଭଗା ଛକ ପାଖରେ
ଥିବା ନୂଆ ଗୌଡ଼ଟିକ୍ରା ଗାଆଁ । ଯାହାର ଅନ୍ୟ ନାମ ସହରାଟିକ୍ରା (ସଅର, ସଉରା ଶବ୍ଦରୁ
ସହରା ହୋଇଛି । ଏହା ଏକ ଜନଜାତି । ଯେଉଁମାନେ କି ମୂଳବାସିନ୍ଦା ସେହି ଗାଆଁର ।) ଯେଉଁ
ଗାଆଁ ହେଉଛି ୨୦୦ଟି ସମୃଦ୍ଧ ତେଲୁଗୁ ଚାଷୀ ପରିବାରଙ୍କ ଗାଆଁ । ସ୍ଥାନୀୟ
ଚାଷୀମାନଙ୍କଠୁ ଜମି କିଣି କିଣି ଏହି ଗାଆଁର ଲୋକମାନେ ଓଡ଼ିଶାର କୌଣସି ସହରୀ ସଂପନ୍ନ
ପରିବାରଠୁ ମଧ୍ୟ ସୁଖରେ ଚଳୁଛନ୍ତି । କିନ୍ତୁ ମୂଳବାସିନ୍ଦା ସହରା ପରିବାରମାନେ
ଯେମିତିକୁ ସେମିତି । ଅସଲ କଥା ହେଲା, ଓଡ଼ିଶାର ସ୍ଥାନୀୟ ଚାଷୀମାନେ ଯଦି ଜମି
ବିକିଚାଲିବେ, ଆମେ କେଉଁ ହୀରାକୁଦ ପାଇଁ ଏତେ କୁତୁକୁତୁ? ଆଉ ପୋଲାଭରମ୍ ପ୍ରକଳ୍ପକୁ
ବିରୋଧ କରିବାକୁ କାହିଁକି ଟଙ୍ଗଟଙ୍ଗ? କ'ଣ ଡାରୱିନ୍ଙ୍କ "ଯୋଗ୍ୟତମର ଉଦ୍ବର୍ତନ'
ମତବାଦକୁ ଦ୍ୱାହି ଦେଇ ତୁନି ବସିବା, କି ଆତ୍ମସମୀକ୍ଷା କରିବା?
ମାୟା ଓ ମାଳିକା - ଏହି ଶବ୍ଦ ଦୁଇଟି ଉପରେ ମୌଳିକ ଗବେଷଣା ହେଉ । ବିଦେଶୀ
ଜ୍ଞାନକୌଶଳ ପଛରେ ମାତି ପାରମ୍ପରିକ ଓ ପ୍ରାଚୀନ ତତ୍ୱକୁ ଅଣଦେଖା କଲେ ହେବ ନାହିଁ ।
ବିମଳ ପ୍ରସାଦ, ଭ୍ରାମ୍ୟଭାଷ: ୯୯୩୭୩୫୩୨୯୩
ମନ୍ତବ୍ୟଗୁଡିକ