आज़ाद भारत

ଓଡ଼ିଶାର ମୁଖ୍ୟ ଶାସନ ସଚିବ ଯୁଗଳକିଶୋର ମହାପାତ୍ର ଏବେ କେନ୍ଦ୍ର ସରକାରଙ୍କ ପାଇଁ ନୂଆଦିଲ୍ଲୀରେ କାର୍ଯ୍ୟ କରିବେ । ଅତଏବ ପଶ୍ଚିମ ଓଡ଼ିଶା ଯଦି ପୁଣି ପଛୁଆ ରହେ, ତେବେ ତାଙ୍କୁ ବର୍ଷିବାର ଅଧିକାର ଆମେ ହରାଇଲୁ । ଯେଉଁଥିପାଇଁ ପଶ୍ଚିମ ଓଡ଼ିଶାର ବିଧାୟକ ଓ ସାଂସଦମାନେ କେବେ ହେଲେ ଦୋଷ ନିଜ ମୁଣ୍ଡକୁ ନେଇ ନାହାନ୍ତି । ଏବେ ଶିକ୍ଷିତମାନଙ୍କୁ ବିଜେଡି ଟିକଟ ଦେଇ ଜିତାଇ ଆଣିଛି । ଦେଖିବାକୁ ରହିଲା, ୫ ବର୍ଷ ପରେ କିଛି ପରିବର୍ତନ ହେଉଛି କି? ଅନ୍ତତଃ "ଭାରତୀୟ ପ୍ରବନ୍ଧ ସଂସ୍ଥାନ'' (IIM) ପଶ୍ଚିମ ଓଡ଼ିଶାରେ ହେଉ । ସମ୍ବଲପୁର-ଝାରସୁଗୁଡ଼ା ମଧ୍ୟରେ ସ୍ଥାନ ଚିହ୍ନଟ କରି ତୁରନ୍ତ କେନ୍ଦ୍ରକୁ ପ୍ରସ୍ତାବ ଦିଆଯାଉ । କୋଠା ନିର୍ମାଣ ପର୍ଯନ୍ତ କାହା ହତାରେ ପଢ଼ା ଚାଲିବ, ତାହା ମଧ୍ୟ ସ୍ଥିର ହେଉ । ଝାରସୁଗୁଡ଼ା ଓ ସମ୍ବଲପୁର ଉଭୟ ରେଳପଥ ଓ ସଡ଼କପଥରେ ଭଲ ଭାବେ ସଂଯୁକ୍ତ ହୋଇଥିବା ବେଳେ ଝାରସୁଗୁଡ଼ାରେ ବିମାନବନ୍ଦର କାର୍ଯ୍ୟ ଚାଲିଛି । ଅନ୍ୟ ପକ୍ଷରେ ଶିକ୍ଷାଗ୍ରହଣ କାଳୀନ ଅଭ୍ୟାସ ଶିକ୍ଷଣ ପାଇଁ ଅନେକ ଶିଳ୍ପାନୁଷ୍ଠାନ ସେହି ଅଂଚଳରେ ରହିଛି । ତେଣୁ ସମ୍ବଲପୁର-ଝାରସୁଗୁଡ଼ା ମଧ୍ୟରେ ଆଇଆଇଏମ୍ ପ୍ରତିଷ୍ଠା ହେବା ବିଧେୟ । (Written on 16 July 2014 as a facebook note, but posted as a  blog  on 23 August 2014 to keep it on the web)

ଜାଣନ୍ତି କି? ରେଳଷ୍ଟେସନ୍ ଅଣସଂରକ୍ଷିତ ଟିକଟ କାଉଣ୍ଟରରେ ଖୁଚୁରା ଦେଣନେଣକୁ କେନ୍ଦ୍ର କରି ବୁକିଂ କିରାଣୀମାନେ ଆଉ ଜନସାଧାରଣଙ୍କୁ ହଇରାଣ କରିପାରିବେ ନାହିଁ ।  ୨୦୧୩ ଏପ୍ରିଲରୁ ସମସ୍ତ ସବାରି ଗାଡ଼ି ଓ ସାଧାରଣ ବଗିର ଯାତ୍ରୀଭଡ଼ା ୫ଟଙ୍କାର ଗୁଣିତକ ହୋଇଅଛି । ଉଦାହରଣ: ୫ଟଙ୍କା, ୧୦ଟଙ୍କା, ୧୫ ଟଙ୍କା, ୩୦ ଟଙ୍କା, ୪୫ ଟଙ୍କା, ୬୦ ଟଙ୍କା....ଇତ୍ୟାଦି । ଆପଣ ଯେଉଁଠାକୁ ୮ଟଙ୍କା ଦେଉଥିଲେ, ତାହା ହୋଇଛି ୧୦ ଟଙ୍କା; ଯେଉଁଠିକୁ ୧୧ଟଙ୍କା ଭଡ଼ା ଗଣୁଥିଲେ, ଏଣିକି ଦେଉଛନ୍ତି ୧୫ ଟଙ୍କା, ସେହିପରି ୫୭ ଟଙ୍କା ସ୍ଥଳେ , ତାହା ୬୦ ଟଙ୍କା ଭଡ଼ା ହୋଇଅଛି । ତେଣୁ କାଉଣ୍ଟରରେ ଆବଶ୍ୟକ ପରିମାଣର ୫ଟଙ୍କିଆ, ୧୦ଟଙ୍କିଆ ମହଜୁଦ ରଖିବାକୁ କର୍ତୃପକ୍ଷ ବାଧ୍ୟ । କିନ୍ତୁ ଦେଖାଯାଉଛି, କିରାଣୀମାନେ ଖୁଚୁରା ନଥିବା ଦର୍ଶାଇ ୫ଟଙ୍କା ଫେରସ୍ତ କରୁ ନାହାନ୍ତି । ବ୍ୟସ୍ତ ଥିବା ଯାତ୍ରୀମାନେ କାଉଣ୍ଟରରେ ଅପେକ୍ଷା ନକରି ଟ୍ରେନ୍ ମୁହାଁ ହେଉଛନ୍ତି । ଏଭଳି ଯଦି ୨୦ ଜଣ ଯାତ୍ରୀଙ୍କ ଠାରୁ ୫ଟଙ୍କିଆ ଧପେଇବେ, ତେବେ କର୍ତବ୍ୟଘଡ଼ି ମଧ୍ୟରେ ୧୦୦ ଟଙ୍କା ଉପୁରି । ରେଳବାଇରେ ମାସଟା ପ୍ରାୟ ୨୧ ଦିନ ହୋଇଥିବାରୁ ଅତି କମ୍ ରେ ମାସିକ ୨୧୦୦ ଟଙ୍କା ଉପୁରି ପାଇଯିବେ । ଆପଣ ଏଭଳି ଶୋଷଣକୁ ବରଦାସ୍ତ କରନ୍ତୁ ନାହିଁ । କାରଣ ସବାରି ଗାଡ଼ିର ଟିକଟ ଅଗ୍ରୀମ କାଟିବାର ବ୍ୟବସ୍ଥା କେବଳ ୨୦୦ କିଲୋମିଟରରୁ ଅଧିକ ଦୂରତା ପାଇଁ ରହିଛି । ତେଣୁ କମ୍ ଦୂରକୁ ଯିବା ପ

ଭୂସ୍ଖଳନ ହୋଇ ମହାରାଷ୍ଟ୍ରର ପୁଣେ ଜିଲ୍ଲାରେ ଗୋଟିଏ ପାହାଡ଼ୀ ଆଦିବାସୀ ଗ୍ରାମ ନିଶ୍ଚିହ୍ନ ହେବା ପରେ ଏବେ ଓଡ଼ିଶାର ବିପର୍ଯ୍ୟୟ ପରିଚାଳନା ବିଭାଗ ସତର୍କ ବୋଲି ପ୍ରମାଣ ଦେଉ ।  ଆମ୍ଭେ ଏଠାରେ ମନେ ପକାଇ ଦେଉଛୁ କି ଓଡ଼ିଶାର କୋରାପୁଟ, ମାଲକାନଗିରି, ରାୟଗଡ଼ା, ଗଜପତି, କଳାହାଣ୍ଡି, କେନ୍ଦୁଝର ଜିଲ୍ଳାଗୁଡ଼ିକରେ ଅନେକ ଜନଜାତିବହୁଳ ଗାଆଁ ପାହାଡ଼ ତଳେ ବା ମଧ୍ୟ ଭାଗରେ ରହିଅଛି । କେଉଁ ଗାଆଁଗୁଡ଼ିକ ଏଭଳି ବର୍ଷାବିଭୀଷିକାରେ ନିପାତ ହୋଇଯିବାର ଆଶଙ୍କା ରହିଛି ତାହା ଉପରେ ଶ୍ୱେତପତ୍ର ଜାରି ହେଉ । ମୁଖ୍ୟତଃ କୋରାପୁଟ ଓ ଗଜପତି ଜିଲ୍ଲାରେ ଏହା ବେଶି ବିପଦପୂର୍ଣ । କାରଣ ପାହାଡ଼ ଶୀର୍ଷରେ ବନକ୍ଷୟ ଓ ସବୁଜିମା ନଷ୍ଟ ହେଲେ ଏଭଳି ବିପଦ ମାଡ଼ି ଆସେ । ଯଦି ପାହାଡ଼ଟି ପଥୁରିଆ ନହୋଇ ମାଟିର ପାହାଡ଼ ହୋଇଥାଏ, ତେବେ କଥା ସରିଲା ।  ଯଦିଚ କୋରାପୁଟ ଜିଲ୍ଲାରେ,​ ଅରୁଣାଚଳପ୍ରଦେଶ ବା ହିମାଚଳପ୍ରଦେଶ ଭଳି ଗୋଟାପଣେ ମାଟିର ପାହାଡ଼ ନାହିଁ; ତେବେ ମାଟିବହୁଳ ପାହାଡ଼ଗୁଡ଼ିକର ତାଲିକା ମଧ୍ୟ ବିପର୍ଯ୍ୟୟ ପରିଚାଳନା ବିଭାଗ ପ୍ରକାଶ କରୁ । ସମୁଦ୍ରକୂଳିଆ ପୂର୍ବ ଓଡ଼ିଶା ଉପରେ ନିଘା ରଖିଥିବା ଏହି ସରକାରୀ ବିଭାଗ ଟିକେ ଦକ୍ଷିଣକୁ ଦୃଷ୍ଟି ଦେଉ ।   ବିମଳ ପ୍ରସାଦ, ଭ୍ରାମ୍ୟଭାଷ: 9937353293

ସମ୍ବଲପୁର ସହରରେ ବଦଳପାଣି (ଫ୍ଲାସ୍ ଫ୍ଲଡ଼୍)ର ବିପର୍ଯ୍ୟୟ ଖବର ଶୁଣି ହୀରାକୁଦ ବନ୍ଧ କର୍ତୃପକ୍ଷ ସବୁଯାକ କବାଟ ତିନି ଦିନ ବନ୍ଦ କରିଦେଲେ। ତା'ପରେ ଏକାବେଳକେ ଖୋଲିଲେ ୫୦ । ଏଣେ ତଳ ମୁଣ୍ଡରେ ଗୋଟେ ନୂଆ ଷ୍ଟାଇଲରେ ବନ୍ୟା ହେଲା । ସବୁଠୁ ଚର୍ଚାର କଥା ହେଉଛି- ଦଳେଇଘାଇ । ଏଥର କଟକ ସହରରେ ବି ବନ୍ୟାପାଣି ଛାରଖାର କଲା । କିନ୍ତୁ ଦଳେଇଘାଇ ତଳମୁଣ୍ଡରେ ଥିବା ଗ୍ରାମର ସୁସ୍ଥସବଳ ପ୍ରତିନିଧିମାନେ ଖଣ୍ଡା ତରୁଆଲ ଧରି ଜଗି ରହିଲେ । ଯଦି ବଙ୍ଗଉପସାଗର ପାଣି ନଟାଣିବ, ତେବେ ଦଳେଇଘାଇ ଭାଙ୍ଗିଦେଲେ ପାଣି ଭୁସ୍ ଭାସ୍ ଖଲାସ୍ । ଆଉ ଶାନ୍ତିରେ ନିଶ୍ୱାସ ମାରିବେ କଟକନଗର ବସ୍ତିବାସୀ । କିନ୍ତୁ ଅଳ୍ପ ଟିକେ ମୁଣ୍ଡ ଖଟେଇ ହୀରାକୁଦ ବନ୍ଧବାଲା ଖୋଲା କବାଟ ସଂଖ୍ୟା କମେଇ ଚାଲିଛନ୍ତି । ହେଲେ ସେମାନେ ଆଉ ଦୁର୍ବୁଦ୍ଧି କରି ସବୁଯାକ କବାଟ ବନ୍ଦ ନକରନ୍ତୁ, ଅନ୍ତତଃ ଅଗଷ୍ଟ ମାସ ଶେଷ ସୁଦ୍ଧା । ପ୍ରଶାସନ ମନେ ରଖନ୍ତୁ ଯେ ଜଳବାୟୁ ପରିବର୍ତନ ହୋଇ ବର୍ଷା ଋତୁ ଏବେ ନଭେମ୍ବର ପ୍ରଥମ ସପ୍ତାହ ପର୍ଯନ୍ତ ଲମ୍ବିଗଲାଣି । ଅବଶ୍ୟ ଛତିଶଗଡ଼ରେ ସେତେ ଦିନ ଯାଏ ବର୍ଷା ହେଉଛି କି ନାହିଁ, ତାହା ଲକ୍ଷ୍ୟ କରିବା କଥା । ଏଠାରେ ଗୋଟିଏ କଥା କେହି କେହି ଚିନ୍ତା କରୁଥିବେ ଯେ ହୀରାକୁଦ ବହୁମୁଖୀ ନଦୀ ବନ୍ଧ ପ୍ରକଳ୍ପ କେତେ ଉପକାର କରୁଛି ଯେ ତାହାପାଇଁ ଏତେ ହଜାର ହଜାର କୋଟି ଟଙ୍କାର ଧନ କେବଳ ବନ୍ୟାରେ ଉଜୁଡ଼ି ଯାଉଛି?! ଏବଂ