आज़ाद भारत

ଡିଜିଟାଲ ଇଣ୍ଡିଆ  ଦିଗରେ ପାଦେ ଆଗକୁ ଯିବାକୁ ଜୁନ୍ ୨୦୧୫ ସୁଦ୍ଧା ଦେଶର ୨୫ଟି ସହରର ବଛାବଛା ସ୍ଥାନରେ ୱାଇଫାଇ ସେବା ଯୋଗାଇବାକୁ ସରକାର ନିଷ୍ପତ୍ତି ନେଇଛନ୍ତି । ଏଥିପାଇଁ ସରକାର ୩-୪ଟି ୱାଇଫାଇ ସେବା ପ୍ରଦାନକାରୀ କମ୍ପାନୀକୁ ତାଲିକାବଦ୍ଧ କରିଛନ୍ତି । ପ୍ରଥମ ପର୍ଯ୍ୟାୟରେ ଦେଶର ୧୦ଲକ୍ଷରୁ ବେଶି ଜନସଂଖ୍ୟା ସଂପନ୍ନ ୨୫ଟି ସହର ବ୍ୟତୀତ ବଛାବଛା ପର୍ଯ୍ୟଟନସ୍ଥଳୀରେ ଏହି ସେବା ଆରମ୍ଭ ହେବ ।  ଏହି ପ୍ରକଳ୍ପକୁ ଦୂରସଂଚାର ବିଭାଗ ଓ ସହରବିକାଶ ମନ୍ତ୍ରାଳୟ ମିଳିତ ଭାବେ କାର୍ଯ୍ୟକାରୀ କରୁଛନ୍ତି । ୱାଇଫାଇ ସେବା ଦ୍ୱାରା ଲୋକମାନେ ନିଜ ସ୍ମାର୍ଟଫୋନ୍, ଟାବ୍, ଲ୍ୟାପଟପ୍ ପିସି ଇତ୍ୟାଦିରେ ଇଂଟରନେଟ୍ ସଂଯୋଗ ମାଗଣାରେ ପାଇପାରିବେ । ଖୁସୀର କଥା ଯେ ଏହି ଯୋଜନାରେ ଓଡ଼ିଶାର ବିଶ୍ୱପ୍ରସିଦ୍ଧ ପର୍ଯ୍ୟଟନସ୍ଥଳୀ କୋଣାର୍କ ସୂର୍ଯ୍ୟମନ୍ଦିର ସାମିଲ ଅଛି ।  ସଂପୃକ୍ତ ଦୂରସଂଚାର କମ୍ପାନୀମାନେ କ୍ରୟାଦେଶ ପାଇବାର ୩ ମାସ ମଧ୍ୟରେ ନେଟୱର୍କ ବିସ୍ତାର ପ୍ରକ୍ରିୟାକୁ ସାରିବେ । ଏଥିପାଇଁ ସ୍ଥାନୀୟ କର୍ତ୍ତୃପକ୍ଷମାନଙ୍କ ଠାରୁ ଅନୁମତି ହାସଲ କରିବାକୁ ପଡ଼ିବ । ସରକାର ସ୍ୱତନ୍ତ୍ର ଭାବରେ ୨୫ଟି ପ୍ରତ୍ନତାତ୍ତ୍ୱିକ ଗୁରୁତ୍ୱସଂପନ୍ନ ପର୍ଯ୍ୟଟନସ୍ଥଳୀକୁ ୱାଇଫାଇ ହଟସ୍ପଟ୍  କରିବାକୁ ନିଷ୍ପତ୍ତି କରିଛନ୍ତି । ଏଥିରେ ମୁଖ୍ୟତଃ:- ହୁମାୟୁନଙ୍କ ମକବରା, ଲାଲକିଲ୍ଲା, କୁତବ୍ କମ୍ପ୍ଲେକ୍ସ (ଦିଲ୍ଲୀ); ତାଜମହଲ, ଫତେପୁର ସିକ୍ରି, ଶ୍ରାବସ

ଆଜି (୧୬ ଡିସେମ୍ବର ୨୦୧୪, ମଙ୍ଗଳବାର) ଏକ ନୂଆ ଘରୋଇ ଓଡ଼ିଆ ନ୍ୟୁଜ୍ ଚ୍ୟାନେଲ ପ୍ରମେୟ ନ୍ୟୁଜ୍ ସେଭେନ୍ ( PRAMEYA NEWS7 )ର ଟେଷ୍ଟ ସିଗନାଲ ପ୍ରସାରଣର ଶୁଭାରମ୍ଭ ହୋଇଛି । ଭୁବନେଶ୍ୱରର ଜାଗମରା ଠାରେ ଥିବା ଏହାର ନିଜସ୍ୱ ଷ୍ଟୁଡ଼ିଓରୁ ଟେଷ୍ଟ ସିଗନାଲର ଶୁଭାରମ୍ଭ କରିଛନ୍ତି ଡକ୍ଟର ଚନ୍ଦ୍ରଭାନୁ ଶତପଥୀ । ଶିରିଡ଼ି ସାଇବାବାଙ୍କ  ଦର୍ଶନର ଜଣେ ପ୍ରଖ୍ୟାତ ଯାଜକ ଭାବରେ ଡକ୍ଟର ଶତପଥୀ ବେଶ୍ ପରିଚିତ ଓ ଲୋକପ୍ରିୟ । ସଂପ୍ରତି ଦିଲ୍ଲୀ ନିବାସୀ ଡକ୍ଟର ଶତପଥୀ "ଗୁରୁଜୀ' ନାମରେ ଦେଶ ବିଦେଶରେ, ବିଶେଷତଃ ଶିରିଡ଼ି-ସାଇବାବାଙ୍କ ଭକ୍ତ, ଶ୍ରଦ୍ଧାଳୁ ତଥା ଅନୁରାଗୀମାନଙ୍କ ମଧ୍ୟରେ ବେଶ୍ ଗ୍ରହଣୀୟ ଓ  ଆଦୃତ । ଏହି ଅବସରରେ ଗୁରୁଜୀଙ୍କର ବାର୍ତ୍ତା ଥିଲା:- ରାଜାରାଜୁଡ଼ା ସମୟରେ ଯାହା ପୁସ୍ତକ ବା ଲେଖା ବାହାରୁଥିଲା, ତାହା କେବଳ ସେମାନଙ୍କ ସ୍ତୁତିଗାନ କରୁଥିଲା । ତଳସ୍ତରର ଲୋକଙ୍କ ସ୍ୱର ତା'ଭିତରେ ଚାପି ହୋଇଯାଉଥିଲା । ଯୁଗ ବଦଳିଛି । ଗଣତନ୍ତ୍ର ଶାସନରେ ତଳସ୍ତରରେ ଥିବା ଜନତା ହିଁ ସବୁଠାରୁ ଅବହେଳିତ । ସେମାନଙ୍କର ସଂଖ୍ୟା ମଧ୍ୟ ବେଶି । ତେଣୁ ପ୍ରମେୟ ନ୍ୟୁଜ୍ ସେଭେନ୍ ଏହି ତଳସ୍ତରରେ ଥିବା ଗରିବ ଓ ଖଟିଖିଆଙ୍କର ସ୍ୱର ହେଉ । ପ୍ରଗତିର ପଥ ଦେଖାଉ । ୧୬.୧୨.୨୦୧୪ ତାରିଖ ଦିନ ୧ଟା ୬ ମିନିଟରେ ଏହି ଟେଷ୍ଟ ସିଗନାଲ ଶୁଭାରମ୍ଭ କରାଇବା ଅବସରରେ ଚ୍ୟାନେଲର ସଂଖ୍ୟାଧିକ କର୍ମଚାରୀ, ସାମ୍ବାଦିକ ଓ ଶୁଭଚିନ୍ତକ

ପାଞ୍ଚ ଦଶନ୍ଧିର ପୁରୁଣା ଯୋଜନା ଆୟୋଗ (ପ୍ଲାନିଂ କମିଶନ)କୁ ଅଚଳ କରି ଦିଆଯାଇଛି । ସେହି ସ୍ଥାନରେ କାର୍ଯ୍ୟ କରିବ ନୀତି ଆୟୋଗ । ମୌଳିକ ଭାବରେ ଏହାକୁ ଭାରତୀୟ ଭାଷାରେ ନାମକରଣ କରାଯାଇଛି । କେନ୍ଦ୍ରୀୟ ବିଦ୍ୟାଳୟ କୁ ଅନେକ ଲୋକ ସେଣ୍ଟ୍ରାଲ ସ୍କୁଲ୍ କହିବା ଭଳି ଏହି ନୀତି ଆୟୋଗକୁ ସେହି ଲୋକମାନେ ପଲିସି କମିଶନ କହିପାରିବେ । (ପରବର୍ତ୍ତୀ ସମୟରେ ଏହି ନୀତି ଆୟୋଗର ନୀତି ଶବ୍ଦକୁ NITI କରି ତାହାର ଏକ ପୂର୍ଣନାମ ବାହାର କରାଯାଇଛି, ଯାହା ହେଉଛି - National Institute for Transforming India) ସ୍ୱାଧୀନତାଦିବସ  ଅବସରରେ ପ୍ରଧାନମନ୍ତ୍ରୀ ରୂପେ ନରେନ୍ଦ୍ର ମୋଦି ତାଙ୍କର ପ୍ରଥମ ଭାଷଣରେ ପ୍ଲାନିଂ କମିଶନକୁ ଭାଙ୍ଗିଦେବାକୁ ପ୍ରତିଶ୍ରୁତି ଦେଇଥିଲେ । ପରିବର୍ତନଶୀଳ ଆର୍ଥନୀତିକ ବାସ୍ତବତାକୁ ଧ୍ୟାନ ଦେଇ ପ୍ରଧାନମନ୍ତ୍ରୀ ଏହି ନିଷ୍ପତ୍ତି ନେଇଛନ୍ତି । ତେବେ ଏହି ନୂଆ ଆୟୋଗର ଢାଞ୍ଚା ଓ କାର୍ଯ୍ୟପରିସର କଅଣ ହେବ, ତାହା ଚୂଡାନ୍ତ କରିବା ପାଇଁ ୭ ଡିସେମ୍ବର ୨୦୧୪ ରେ ନୂଆଦିଲ୍ଲୀ ଠାରେ ଦେଶର ସମସ୍ତ ମୁଖ୍ୟମନ୍ତ୍ରୀ ଓ ମୁଖ୍ୟଶାସନସଚିବ ମାନଙ୍କ ସହ ପ୍ରଧାନମନ୍ତ୍ରୀ ବିମର୍ଷ କରିବେ । ନୀତି ଆୟୋଗର ପ୍ରସ୍ତାବିତ କଳେବରରେ କେଉଁମାନେ ସଦସ୍ୟ ରହିବେ ତାହା ଧାର୍ଯ୍ୟ ହେବ । ଏହା ସ୍ପଷ୍ଟ ଯେ ନିଜର ପଦଯୁକ୍ତ କ୍ଷମତା ବଳରେ ପ୍ରଧାନମନ୍ତ୍ରୀ ଏହାର ଅଧ୍ୟକ୍ଷ ରୂପେ କାର୍ଯ୍ୟ କରିବେ । ଏହି ନୀତି ଆୟୋଗର ପ୍ରଥମ ଉପାଧ

ନୂଆ କେନ୍ଦ୍ର ସରକାର ଘୋଷଣା କରିଛନ୍ତି ମୋବାଇଲ ନମ୍ବର ପୋର୍ଟେବିଲିଟି ଗୋଟିଏ ରାଜ୍ୟରୁ ଅନ୍ୟ ରାଜ୍ୟକୁ (ଗୋଟିଏ ସର୍କଲରୁ ଅନ୍ୟ ସର୍କଲକୁ) ହୋଇପାରିବ । ଆଉ ଏହା କାର୍ଯ୍ୟକାରୀ ହେବ, ୨୦୧୫ ମସିହା ମେ ମାସରୁ । ଗତ ୟୁପିଏ ସରକାର ୩ ଥର ଏଭଳି ପ୍ରତିଶ୍ରୁତି ଦେଇ ବିଫଳ  ହୋଇଥିଲେ। ଏହାର କାରଣ ହେଉଛି - ମୋବାଇଲ ଅପରେଟର ଆସୋସିଏସନ୍ ସବୁବେଳେ ସରକାରଙ୍କୁ ବିଭ୍ରାନ୍ତ ଓ ଉଦ୍ଭ୍ରାନ୍ତ କରିଚାଲିଛି । ଆପଣ କ'ଣ ଭାବୁଛନ୍ତି, ଏହି ଏନ୍.ଡି.ଏ.-୨ ସରକାର ଏ ସିଦ୍ଧାନ୍ତକୁ କାର୍ଯ୍ୟକାରୀ କରିପାରିବେ?  ଯଦିଓ ଏହା ଦ୍ୱାରା ବିଶେଷ କିଛି ସମସ୍ୟାର ସମାଧାନ ହେବ ନାହିଁ । ଜନସାଧାରଣଙ୍କର ଦାବି ଥିଲା ଦେଶବ୍ୟାପୀ ରୋମିଂମୁକ୍ତ ନିରନ୍ତର ଦୂରସଂଚାର ସେବା ମୋବାଇଲଫୋନ୍ ଜରିଆରେ । କିନ୍ତୁ ତାହାକୁ ମୋବାଇଲ ଟେଲିକମ୍ ଅପରେଟରମାନେ କରାଇ ଦେଉ ନାହାନ୍ତି । ସ୍ପେକ୍ଟ୍ରମ୍ ବେପାର କାରଣରୁ ସରକାର କେବଳ ସେମାନଙ୍କ କଥାରେ ଥେଇ ଥେଇ ହେଉଛନ୍ତି । କେନ୍ଦ୍ର ଗେହ୍ଲାପୁଅ କରିଥିବା ଉଚ୍ଚ ବେତନଭୋଗୀ ଇଂଜିନିୟର ସାମ୍ ପିଟ୍ରୋଡ଼ା କି ବୁଦ୍ଧି ଦେଉଛନ୍ତି, ତାହା କାହାକୁ ବି  ଜଣା ନାହିଁ । ଇ-ଗଭର୍ନାନ୍ସ , ଏମ୍-ଗଭର୍ନାନ୍ସ ଓ ଆଧାର କାର୍ଡ଼ ଭଳି ଗୁରୁତ୍ୱପୂର୍ଣ ନୀତି ଓ କାର୍ଯ୍ୟକ୍ରମ ତଥା ଶାସନ ସଂସ୍କାର ପାଇଁ ଜୀବନବ୍ୟାପୀ ପ୍ରତ୍ୟେକ ନାଗରିକଙ୍କର ଗୋଟିଏ ମୋବାଇଲ ନମ୍ବର ରହିବା ଗୁରୁତ୍ୱପୂର୍ଣ । କିନ୍ତୁ ଲାଗୁଛି,  ସରକାର ପୋଷିଥିବା